Durrës

Durrës
Stema	Bandiera
Nfurmazions prinzipeles
Stat	Albania
Region	Albania dl nord
Provinca	Durrës
Municipalità	Durrës
Fundazion	7° secul dan da Crist
Populazion	153614 ab.
Spersa municipala	338.30 km²
Densità municipala	454 ab./km²
Spersa unit	39.81 km²
Populazion unit	101728 ab.
Densità unit	2555 ab./km²
Altëza	0 m
Govern
Tip	Sindec–Consëi
Sindec	Emiriana Sako (PS)
Consëi municipal	Consëi municipal de Durrës
Economia
PIL	€
PIL pro capita	€
Geografia
Coordinedes	41°18′48″N 19°26′45″E
Aeropor
Autostrades	A1, SH1, SH2
Registraziun	DR
Informaziuns autes
Codesc postal	2000
Codesc zona	+355 (0) 52
Website	[1]
Cherta
Durrës Durrës (Albania)

Durrës ye la segunda ciudá más poblada de la República d'Albania y la capital de la Provincia de Durrës y de la Municipalidá de Durrës. Ye una de les ciudaes más antigües d'Albania habitaes de forma ininterrumpida, con una historia documentada d'aproximao 2.500 años. Alcuéntrase nuna llanura na costa albanesa del Mar Adriáticu, ente les desembocadures de los ríos Erzen y Ishëm, na esquina sureste del Mar Adriáticu. El so clima ta bien influyíu pol clima mediterraneu estacional.

Durrës foi fundada col nome d'Epidamnos alredor del sieglu VII e.C. por colonos griegos de Corinto y Corcira, en cooperación colos Taulantii, una tribu iliria de la zona. Tamién conocida como Dyrrachium, Durrës desenvolvióse al convertise nuna parte integral del Imperiu Romanu y del so socesor, l'Imperiu Bizantín. La Via Egnatia empezaba na ciudá y dirixíase hacia l'este al traviés de los campos, valles y montes de la Península Balcánica hasta Constantinopla.

Na Edá Media, Durrës foi disputada ente l'Imperiu Búlgaru, la República de Venecia, families nobles albaneses y l'Imperiu Otomanu. Finalmente, los otomanos prevalecieron, gobernando la ciudá durante más de 400 años, dende 1501 hasta 1912. Tres la Declaración d'Independencia d'Albania, la ciudá foi la capital del Principáu d'Albania durante un curtiu periodu. Darréu, foi anexonada pol Reinu d'Italia nel periodu d'enteguerres y ocupada pola Alemaña nazi. Mientres la República Popular Socialista d'Albania, Durrës esperimentó una gran espansión demográfica y económica.

Les sos conexones de tresporte, la concentración d'instituciones económiques y la tradición industrial son la base de la posición económica de lideralgu de Durrës n'Albania. La ciudá cunta col Puertu de Durrës, unu de los más grandes del Mar Adriáticu, que la coneuta con otros países vecinos. La so atraición más importante ye l'Anfiteatru de Durrës, que ta na llista de candidatos d'Albania pa ser declaráu Patrimoniu de la Humanidá de la UNESCO. Con una capacidá que nel so día foi de 20.000 persones, ye l'anfiteatru más grande de la Península Balcánica.